Pa fuddiannau yswiriant sydd ar gael gydag undebau credyd?

Mae undebau credyd wedi manteisio ar eu cadernid unedig i ddarparu yswiriant ar gynilion a benthyciadau i’w haelodau drwy Cuna Mutual Insurance Group sy’n eiddo i’r mudiad undebau credyd.

Darperir yr yswiriant hwn i’w aelodau heb unrhyw gost ychwanegol ac mae Undeb Credyd Caledfryn yn manteisio’n llawn ar y ddarpariaeth hon i'w aelodau ei hun.

Yswiriant i’ch cynilion

Pan fyddwch yn cynilo gyda’n hundeb credyd mae yswiriant bywyd am ddim ar eich cynilion – mae lefel yr yswiriant hwnnw’n dibynnu ar oedran (gweler isod) ac mae’n cyfateb i’r swm sydd wedi ei gynilo. Nid yw’r yswiriant ond yn daladwy yn achos aelodau sy’n marw.

Mae ein hundeb credyd yn talu’r premiwm am yr yswiriant hwn o’n helw felly nid oes cost ychwanegol i chi. Dyma gymhelliad ychwanegol i chi gynilo arian yn rheolaidd gan wybod bod eich cynilion yn ddiogel.

Cymhwysedd

Os ydych yn cynilo gyda’n hundeb credyd ac os ydych o dan 70 oed, rydych yn gymwys i dderbyn yr yswiriant bywyd hwn ar eich cynilion.

Manylion yr yswiriant

Am bob £1 rydych chi yn ei chynilo gyda’n hundeb credyd:

OEDRAN	YSWIRIANT
Cyn 65 oed	am bob £1 - 100% o yswiriant
65 - 70 oed yn	gynwysedig am bob 25c - 25% o yswiriant

Mae maint yr yswiriant yn dibynnu ar eich oedran wrth gynilo arian yn unol â’r siart uchod. Er enghraifft, os ydych wedi cynilo £100 cyn cyrraedd 65 oed a heb dynnu unrhyw swm wrth gyrraedd 66 oed, byddwch yn parhau i gael yswiriant o 100%. Os ydych yn tynnu swm o’r cynilion hynny yn 66 oed, byddai yswiriant o 100% ar eich cynilion gwreiddiol. Byddai yswiriant o 25% ar unrhyw gynilion wedi hynny nes i chi gyrraedd 70 oed, pryd bydd eich yswiriant yn dibynnu ar y siart uchod.

Hynny yw, os ydych o dan 70 oed ac yn parhau i gynilo gyda’ch undeb credyd byddwch yn cael yswiriant bywyd am ddim.

Yswiriant ar eich benthyciad

Unwaith eto, mae yswiriant am ddim at bob benthyciad ar gael i’n haelodau hyd nes iddynt gyrraedd 70 oed. Daw yswiriant marwolaeth i ben ar ôl cyrraedd yr oedran hwnnw.

Os bydd aelod yn marw caiff y ddyled ei diddymu ac fe’i had-delir i’r undeb credyd gan y polisi yswiriant ac eithrio yn achos yr amodau oedran a nodir uchod.

Cyfyngiad Rhagamodol

Mae cyfyngiad rhagamodol safonol o 6 mis ar yswiriant ar gynilion a benthyciadau.

Mae pob adnau (cynilion) newydd gan aelod a phob cytundeb newydd am fenthyciad yn ddarostyngedig i’r cyfyngiad 6 mis hwn.

Ni fydd Cuna Mutual Group yn talu yswiriant ar weddill adnau neu gytundeb am fenthyciad os bydd yr aelod yn marw oherwydd salwch neu anaf a fodolai cyn hynny y cafwyd cyngor, ymgynghoriad neu driniaeth meddygol yn ei gylch o fewn 6 mis cyn iddynt adneuo’r arian neu gael cytundeb am fenthyciad.

Mae’r cyfyngiad hwn yn parhau am gyfnod o 6 mis o ddyddiad dechrau pob adnau neu gytundeb am fenthyciad. Os bydd aelod yn marw 6 mis neu ragor ar ôl dyddiad yr adnau neu ddechrau’r cytundeb am fenthyciad, ni fydd y rheol hon yn gymwys.

Hawlfraint © 2002 Undeb Credyd Caledfryn Cyfyngedig. Cedwir Pob Hawl