A oes gennych gwyn i’w gwneud?

A ydym wedi eich siomi?

Ein nod yw cynnig gwasanaethau o ansawdd uchel a gwerth am arian i’n haelodau. Dim ond gyda’ch cymorth chi y gallwn wneud hyn. Os ydym wedi eich siomi, cofiwch roi gwybod inni!

Ein hymrwymiad i chi.

Byddwn yn darparu copi o’n gweithdrefn gwyno fewnol ichi os byddwch yn gofyn amdani

Anelwn at ymdrin â’ch cwyn mor drwyadl ac mor gyflym â phosibl. Os nad oes modd datrys eich cwyn yn syth, byddwn yn dweud wrthych pryd y gallwch ddisgwyl ymateb ac yn rhoi gwybod ichi am gynnydd.

Anelwn at gydnabod eich cwyn ymhen saith niwrnod a’i datrys ymhen wyth wythnos ar y mwyaf.

Mae ein Hundeb Credyd yn mynnu ei hawl i wneud penderfyniadau busnes priodol am unrhyw ran o’n gweithrediadau gan gynnwys derbyn aelodau newydd i aelodaeth a chymhwyster unigol am gredyd fel y cyfeirir ato yn ein polisïau aelodaeth a benthyciad.

Pwy sy’n gallu gwneud cwyn?

Unrhyw aelod o’r undeb credyd neu aelod posibl neu flaenorol.
Buddiolwr enwebedig neu gynrychiolydd personol yr uchod.
Busnes â throsiant sy’n llai na £1,000,000.

Sut i wneud cwyn

Eich camau cyntaf

Mae’r ffordd orau o wneud cwyn yn dibynnu ar sut cododd y sefyllfa. Os yw un o swyddogion ein Hundeb Credyd wedi ysgrifennu atoch neu’n ymdrin â chi eisoes, dylech gysylltu â’r person hwnnw, naill ai dros y ffôn, yn ysgrifenedig neu drwy alw i mewn i swyddfa’r Undeb Credyd yn Stryd y Bont, Dinbych.

Cyngor am wneud cwyn ysgrifenedig

Dylech gynnwys eich enw llawn, cyfeiriad, rhif ffôn ac unrhyw rif cyfeirnod fel eich rhif aelodaeth, ar frig y llythyr. Cofiwch nodi’r dyddiad ar frig y llythyr – bydd hyn yn eich helpu i gadw cofnod o bryd y gwnaethoch eich cwyn a’r amser a aeth heibio cyn ichi gael ymateb.

Ysgrifennwch grynodeb byr o’ch cwyn ar ddechrau’r llythyr.
Rhestrwch y ffeithiau’n glir ac mewn trefn synhwyrol ; gall fod yn ddefnyddiol eu rhestru yn ôl dyddiad neu amser
Peidiwch â chynnwys gormod o fanylion ac osgowch ailadrodd eich hun.
Anfonwch lungopïau o unrhyw ddogfennau perthnasol – ond sicrhewch eich bod yn cadw rhai gwreiddiol.
Cadwch gopi o bob llythyr a ysgrifennwch.

Os ydych yn anfodlon o hyd

Byddwn yn gwneud popeth y gallwn i ddatrys eich cwyn yn gyflym ac yn deg. Gan amlaf, gellir cyflawni hyn i foddhad pawb.
Os ydych yn anfodlon o hyd, gallwch ofyn am gael eich cwyn wedi’i chyfeirio at y Swyddog Cwynion, Mrs Ann Francis, yn unol â gweithdrefn gwyno fewnol ein Hundeb Credyd.

Mae gan y Swyddog Cwynion gyfrifoldebau arbennig am gwynion yn yr Undeb Credyd. Bydd yn cynnal adolygiad annibynnol ar eich rhan ac yn rhoi ymateb ysgrifenedig i chi. Os yw’r gwyn amdani hi, bydd cyfarwyddwr dynodedig yn ymdrin â’r gwyn.
Os yw eich cwyn wedi bod trwy weithdrefn gwyno fewnol ein Hundeb Credyd a’ch bod yn anfodlon o hyd ar y llythyr ymateb terfynol, gallwch fynd â’ch cwyn at y Gwasanaeth Ombwdsmon Ariannol.

Beth yw’r Gwasanaeth Ombwdsmon Ariannol?

Sefydlwyd y Gwasanaeth Ombwdsmon Ariannol – y cyfeirir ato weithio fel FOS – i ddarparu gwasanaeth annibynnol a rhad ac am ddim i ddefnyddwyr i ddatrys anghydfodau â darparwyr ariannol.

Os oes gennych gwyn na allwch ei datrys gyda ni, efallai y gallwch fynd â’r gwyn at y Gwasanaeth Ombwdsmon Ariannol, ond mae’n rhaid eich bod wedi ceisio ei datrys drwy ein gweithdrefn gwyno fewnol yn gyntaf.

Gallwn roi gwybodaeth bellach i chi neu gallwch ei chael yn uniongyrchol o’r Gwasanaeth Ombwdsmon Ariannol:

Financial Ombudsman Service
South Quay Plaza
183 Marsh Wall
London
E14 9SR
Ffôn: 0845 080 1800
Gwefan: www.financial-ombudsman.org.

Cofiwch siarad â’r Undeb Credyd os ydych yn anfodlon ar ein gwasanaethau – ond cofiwch roi gwybod inni os ydych yn fodlon ar y gwasanaethau a gewch hefyd!