Sut mae benthyg arian gan undeb credyd?

Unig bwrpas undebau credyd yw cynnig gwasanaeth i’w haelodau. Mae hyn yn golygu y gall aelodau gael benthyciadau ar gyfradd resymol. Dim ond aelodau sy’n cael gwneud cais am fenthyciadau a rhaid iddynt ddangos eu bod yn cynilo arian yn rheolaidd gyda’r undeb credyd ers tri mis o leiaf, fel arfer. Anogir aelodau i barhau i gynilo hyd yn oed wrth ad-dalu benthyciad. Mae hyn nid yn unig yn help i ychwanegu at gynilion yr aelod ond yn cyfrannu hefyd at gronfa’r undebau credyd, gan ei alluogi i roi benthyg arian i ragor o aelodau yn y gymuned.

Buddiannau benthyca arian gan undeb credyd:

Nid oes isafswm i chi ei fenthyca ac rydym yn teilwra ad-daliadau i ateb anghenion yr unigolyn.
Nid oes taliadau ychwanegol hyd yn oed os byddwch yn ad-dalu eich benthyciad yn gynnar.
Ni chodi ffi am drefnu’r benthyciad.
Mae yswiriant am ddim ar bob benthyciad. Os na fyddwch yn fyw am hyd y benthyciad fe gaiff eich dyled ei chlirio’n syth, gan ddibynnu ar rai amodau – cliciwch ar “yswiriant” ar y chwith am ragor o wybodaeth.
Asesir pob benthyciad yn unigol.

Yn ôl y gyfraith y llog uchaf yw 1% y mis wrth i’r gweddill ostwng. Mae hyn yn gyfwerth â chyfradd log flynyddol o 26.8%

“Dyna am rwy’n ei hoffi. Maen nhw’n eich annog chi i gynilo arian wrth ad-dalu eich benthyciad. Dydych chi ddim yn benthyca mwy a mwy a mynd i fwy o ddyled, mae’n rhaid i chi gynilo hefyd!” (Sylw yn ystod arolwg marchnad a gynhaliwyd yn ystod Mehefin – Medi 2001 gan Beaufort Research).

Cost benthyca

Dyma enghraifft o fenthyca arian gan ein Hundeb Credyd dros gyfnod o flwyddyn:

Maint y Benthyciad	Ad-daliadau wythnosol	Yswiriant - bywyd	Cost y Benthyciad	Am ddim
£100	£2.17	di-dâl	£112.69	£12.69
£300	£6.51	di-dâl	£338.08	£38.08
£500	£10.84	di-dâl	£563.53	£63.53
£1,000	£21.68	di-dâl	£1,127.06	£127.06
£2,000	£43.33	di-dâl	£2,254.18	£254.18

Beth am gymharu hyn â chyfraddau benthycwyr eraill – rydym yn ddiguro o ran cyfraddau a gwasanaeth personol.

Faint gaf i ei fenthyg?

Yn fras, dyma syniad am eich benthyciad cyntaf a’r ail fenthyciad neu wedi hynny £500

Mae benthyciadau ychwanegol ar gael ond bydd yn rhaid trafod hyn gyda swyddog yr undeb credyd ymlaen llaw.

Inside our new office on Bridge Street, Denbigh Y benthyciad mwyaf a ganiateir ar hyn o bryd yw £5000 ar ben eich cynilion. Mae cyfradd log o 1% sy’n gostwng bob dydd heb gosb am ad-daliad cynnar a dim ffioedd trefnu yn golygu gwasanaeth rhagorol i aelodau. Pe caech chi fenthyciad gennym heddiw ac yn ei ad-dalu’n llawn yfory, y cyfan y byddech yn ei dalu fydd llog am un diwrnod.

Nid oes rhaid cael benthyg arian i ymaelodi ag Undeb Credyd Caledfryn.

Sut i wneud cais am fenthyciad

Cofiwch, fel aelod rhaid i chi fod wedi cynilo’n rheolaidd ers 3 mis o leiaf cyn gwneud cais am eich benthyciad cyntaf.

Cam 1

Gofynnwch am ffurflen gais gan ein swyddfa Undebau Credyd neu o unrhyw fan casglu. Neu gallwch is lwytho ffurflen o’r safle hwn.

Cam 2

Llenwch y ffurflen gais hyd y gallwch chi ac ewch â hi ynghyd â phrawf incwm i’r swyddfa neu i unrhyw fan casglu i’w thrafod gyda swyddog undeb credyd. Byddwn yn ateb unrhyw ymholiadau sydd gennych.

Cam 3

Bydd eich cais yn cael ei ystyried gan aelodau’r Pwyllgor Credyd a fydd yn gwneud penderfyniad. Mae pob cais yn cael ei ystyried yn unigol ac os ydym yn gwrthod cais byddwn yn trafod y rhesymau’n gyfrinachol ac yn bersonol gyda’r ymgeisydd.

Cam 4

Os bydd eich cais yn llwyddiannus, cewch eich hysbysu a gallwch alw yn y swyddfa neu fan casglu i godi eich benthyciad. Rhoddir copi o’r cytundeb benthyca i chi a bydd disgwyl i chi wneud y taliadau rheolaidd y cytunwyd arnynt. Yn ogystal, bydd disgwyl i chi barhau i gynilo wrth ad-dalu eich benthyciad. Fel arfer caiff eich cais ei brosesu o fewn wythnos fan bellaf.