Buddiannau

Mae perthyn i undeb credyd yn gwneud synnwyr i bawb ni waeth am eich sefyllfa ariannol.

Mae’r buddiannau’n cynnwys:

• Benthyciadau ar gost isel gyda llog uchaf o 1% y mis wedi’u teilwra i anghenion yr unigolyn.
• Llais yn y ffordd mae eich undeb credyd yn cael ei redeg. Mae undeb credyd yn eiddo i’w aelodau ac yn cael ei reoli ganddynt, sy’n golygu mai chi a’ch cymuned sy’n penderfynu pethau.
• Difidend posibl ar eich cynilion.
• Datblygu’r arfer o gynilo arian yn rheolaidd – rydym yn derbyn buddsoddiadau mawr a mân.
• Gwybod bod eich cynilion yn cael eu cadw yn yr ardal ac yn cael eu defnyddio er budd eich cymuned.
• Gwarchod benthyciadau ac yswiriant bywyd am ddim (yn amodol ar gyfyngiadau oedran). Cliciwch ar “Yswiriant” ar y chwith.
• Tawelwch meddwl bod eich cynilion yn ddiogel. Mae undebau credyd wedi’u hyswirio rhag twyll a lladrad ac yn cael eu monitro gan yr Awdurdod Gwasanaethau Ariannol.
• Cynllun iawndal ar ôl 2 Gorffennaf, 2002. Mae hyn yn golygu bod yswiriant llawn ar eich £2000 cyntaf.
• Mynediad at y Gwasanaeth Ombwdsman Ariannol am gyngor ar gwyno os ydych yn anfodlon ar wasanaethau eich undeb credyd lleol.
• Gwasanaeth cwbl gyfrinachol a phersonol.
• Dim taliadau cudd.

Bydd gwasanaethau gwerth ychwanegol ar gael o bryd i’w gilydd, megis nwyddau ynni effeithiol am brisiau is. Holwch ein Hundeb Credyd am fanylion pellach neu ewch at ein “Cylchlythyr”ar y chwith o dan “Cysylltu”.

Mae’r holl undebau credyd yng Nghymru dan reolaeth gwirfoddolwyr.  Mae rhai undebau credyd yn cyflogi pobl i helpu eu rhedeg. Anogir aelodau i chwarae rhan lawn a gweithredol ym mywyd yr undeb credyd ac nid yw Undeb Credyd Caledfryn yn eithriad yn hyn o beth. Rydym yn croesawu gwirfoddolwyr – cliciwch “Gwirfoddolwyr” ar y chwith am ragor o wybodaeth.

Hawlfraint © 2002 Undeb Credyd Caledfryn Cyfyngedig. Cedwir Pob Hawl